سنه اولى نقاب (الجزء الثانى)

[center]السلام عليكم ورحمة الله وبركاته



اخواتي الفضليات



طبتن وطاب ممشاكن وتبوأتن من الجنة منزلا



نبدأ معكن الدرس إن شاء الله بعرض الشبهات التي تواجه المنتقبات



اول شبهة بالتأكيد




هي أن النقاب اصلا مش فرض او اصلا مش من الدين واعتقد اختنا مسلمة جزاها الله خيراً تكلمت في هذه النقطة بما يكفي



الشبهة الثانية وهي تواجه البنات الاتي لم يتزوجن



__مش هتجوز __



الله المستعان



ألسنا كلنا مؤمنون بالله ؟



وألسنا كلنا مؤمنون بقدر الله ؟



وألسنا كلنا مؤمنون بكلام الله ؟




قال تعالى : (لَهُ مَقَالِيدُ السَّمَاوَاتِ وَالْأَرْضِ يَبْسُطُ الرِّزْقَ لِمَن يَشَاءُ وَيَقْدِرُ إِنَّهُ بِكُلِّ شَيْءٍ عَلِيمٌ (12) ) الشورى




قال تعالى : ( اللَّهُ لَطِيفٌ بِعِبَادِهِ يَرْزُقُ مَن يَشَاءُ وَهُوَ الْقَوِيُّ العَزِيزُ(19) ) الشورى



قال تعالى : ( قُلْ إِنَّ رَبِّي يَبْسُطُ الرِّزْقَ لِمَن يَشَاءُ وَيَقْدِرُ وَلَكِنَّ أَكْثَرَ النَّاسِ لَا يَعْلَمُونَ (36) ) سورة سبأ




قال تعالى : ( أَوَلَمْ يَرَوْا أَنَّ اللَّهَ يَبْسُطُ الرِّزْقَ لِمَن يَشَاءُ وَيَقْدِرُ إِنَّ فِي ذَلِكَ لَآيَاتٍ لِّقَوْمٍ يُؤْمِنُونَ (37) ) الروم



يا اختي ربنا يرزق من يشاء وقتما شاء ومش هقول زي ما كتير بيقولوا دول المنتقبات اول ناس بيتزوجوا .. لا في ملتزمات زواجهم تأخر وفي متبرجات ايضاً زوجهم تأخر .. كله رزق يا اختي هو احنا لو ما انتقبناش ضمنين ان ماحنا هنتزوج .. هل ده شيء بايدينا ؟



ولا احنا ما علينا غير اننا نتقي الله وندعوه بالزوج الصالح ؟



ولا هناخد بالاسباب ونتمكيج ونلبس ونعمل ونعمل علشان كده بقينا بناخد بالاسباب ؟



بالله هل هذا اخد بالاسباب ؟



يا اخواتي الزواج نفسه بيجي على اسباب بسيطة جدا



هحكيلكوا قصة اتحكت لي (للامانة لا اضمن صحتها) .. كان في شاب له والدة واخت كان يعيش معهم وكانت اخته جميلة وكان يغار عليها فكانت لا تخرج الا نادر لدرجة ان الجيران لم يكونوا يعرفوها .. طلبات البيت كان هو يقضيها .. الغسيل كان هو ينشره .. طب بالله عليكن دي واحدة اصلا مش عارفين انها موجودة ( مش اللي بتعمل استعراض في الافراح ) هتتزوج ازاي ؟




ولكن قال تعالى : ( وَمَن يَتَّقِ اللَّهَ يَجْعَل لَّهُ مَخْرَجاً (2) وَيَرْزُقْهُ مِنْ حَيْثُ لَا يَحْتَسِبُ وَمَن يَتَوَكَّلْ عَلَى اللَّهِ فَهُوَ حَسْبُهُ إِنَّ اللَّهَ بَالِغُ أَمْرِهِ قَدْ جَعَلَ اللَّهُ لِكُلِّ شَيْءٍ قَدْراً(3) ) الطلاق



كان في بائعة لبن او شيء اخر لا اتذكر راحت لهم البيت فرأت البنت وبعدين ذهبت لجيرانهم وعرفت من جارتها انها بتدور على عروسة لابنها قالت لها بتدوري على عروسة لابنك وقصداكوا البنت دي .. المهم عرفوها وتزوجت




وبعدين يا اختي محدش عارف انتي دلوقتي في سنك ده ( حتى لو عندك 30 سنة ) تقدري تتحملي مسئولية الزواج ولا لا .. ومحدش عارف زوجك ده هيكون كويس ولا لا



دي بقى قصة واقعية رأيتها بعيني



كان في اتنين اخوات الكبيرة اكبر من التانية بسنة واحدة المهم اتخطبت وهي في سنة رابعة وتزوجت في الاجازة ولكن كان زوجها (الحمد لله على كل شيء لعله ابتلاء من الله لها ) كان سئ للغاية طبعا مكنتش تعرف ده ولا اهلها قبل الزواج ففترة الخطوبة كما هو معروف رسم تربيع (رسم * رسم ) .. المهم انجبت منه ومازلت تعيش معه مع سوءه وكراهية العائلة كلهم له


اختها كان يأتي لها عرسان طول هذه المدة ولكن لم توافق الا على شخص كانت تعرف قبل ذلك فهو قريب صديقتها ولم تكن تتصور ان يكون هو زوجها .. وسبحان الله تزوجت وهي عندها 26 سنة تقريبا اي بعد كاختها بحوالي خمسة سنوات او اكثر والآن تعيش سعيدة جدا مع زوجها وحامل ايضا بفضل الله



فاثبتن اخواتي ولا تعيرن كلام الأهل في هذا الشأن اهتماماً فاذا كنتي منتقبة ولم تتزوجي بعد فكم من متبرجة ولم تتزوج بعد ايضاً



قال تعالى : (وَفِي السَّمَاء رِزْقُكُمْ وَمَا تُوعَدُونَ (22) ) الذاريات



قال تعالى : ( وَكَأَيِّن مِن دَابَّةٍ لَا تَحْمِلُ رِزْقَهَا اللَّهُ يَرْزُقُهَا وَإِيَّاكُمْ وَهُوَ السَّمِيعُ الْعَلِيمُ(60) ) العنكبوت



وإليكن تلك المواضيع اخواتي



جزى الله خيراً من كتبها


لكل من تأخر زواجها وشبح العنوسة يطاردها >> إليك الحل بدون سفور أو مخالطة ‏



لكل من تأخر زواجها او حملها ادخلى هتفرحى جدا ‏




انتظروا الشبهة الثالثة __بيقولوا عليا عفريتة__

[i]السلام عليكم ورحمة الله وبركاته

عدنا اخواتي ومع الشبهة الثالثة


بيقولوا عليا عفريتة

*******************

وانا راجعة في طريقي للبيت الأربعاء اللي فات

قابلت بنت صغيرة يعني ممكن تكون حوالي9 او 10 سنوات

البنت بصتلي بصة هي صراحة يمكن بصة واحدة فعلا بس اخدت حوالى كام دقيقة كده بصت ووشها عليه حوالي 500 علامة تعجب والاستنكار

زي ما تكون بتقول مين دي .. دي من المريخ ؟

ومرة كنت راحة الكلية في يوم فكان في شوية اطفال بيلعبوا في الشارع فواحد بيقول لتانيين فيما معناه ( وله بص عفريتة !!! )

هي العيال دي بقول كده ليه ولا شايفانا كده ليه ؟

من كام يوم اختي كانت خارجة هي وبنت اختي الصغيرة عندها حوالي 5 سنوات فجت اختي بتحكيلي بتقولي -فيما معناه- تصوري البت منال لما شافت العربية السيت( اللي هي الصغيرة اللي ليها بابين بس ) قعدت تضحك ضحك وتقولي بصي يا خالتو بصي
رد عليها زوجها وقالها طبعا ما هي متعودة على عربية ابوهاا اللي اد كده

هي نفس الفكرة

الطفل الصغيرة مش متعود على حاجة

لازم يضحك عليها يستغرب منها يشمأذ(مش عارفة كده صح ولا غلط )منها لانه

بكل بساطة مايعرفهاش

يعني البنت اللي قابلتني دي

اكيد مليون في المية مامتها مش منتقبة ولا خالتو ولا عمتو ولا حد قريب منها فمستغربة من المنظر لانها مش متعودة عليه

اول ما اختي الكبيرة لبست النقاب كانت بنتها عندها حوالي 4 سنوات واحد _ ظريف _ عندنا في العائلة قعد يقولها حوشي يا دودو ماما بقت بُبع قالته لا ماما مش ببع

ليه البنت خلاص عرفت

انا بنت اختي الطفلة اللي عندها سنة وكام شهر ومن قبل ما تكمل السنة النقاب ده عندها عادي وتضحك وتلعب معايا عادي

وممكن تفتكر اي واحدة لابسة نقاب انا .. يقوم حدمن اهلي قايل ايه ( ما هي اختلاقات بقى والسلام ) طب ما كده غلط ممكن اي واحدة منتقبة تاخدها وهي فاكراها انتي


طب بالله عليكن واحدة في السن ده هتمشي تروح لحد غريب ازاي ولا اهلها هيسيبوها مع حد غريب ازاي !!!!!

علشان تعرفوا ان المشكلة مش في النقاب المشكلة في تفكير الناس اللي عايزين يطلعوا النقاب وحش وخلاص

المهم ... احنا ما نضايقش من النظرة دي حتى لو الكبار بصوها لنا لانهم بكلللل بساطة مشافوش المنظر ده قبل كده .. ممكن انتي بقى تستغلي ده تدي للطفل بومبوني لبان اي حاجة والكبار لو ستات تقولي السلام عليكم

تبقي دعوة للنقاب



ولنا عودة إن شاء الله مع الشبهة الرابعة

__ يا بنتي ده النقاب ممنوع في الحرم !!!! __

السلام عليكم ورحمة الله وبركاته

موعدنا مع الشبهة الرابعة

__ يا بنتي ده النقاب ممنوع في الحرم !!!! __



انا مش هرد بكلامي

انا هرد بجواب عن سؤال سأله سائل أو سائلة

اقتباس:
السؤال : المرأة – المحرمة - مأمورة بكشف وجهها في الحج والعمرة ، فهل هذا يدل على أن وجه المرأة ليس بعورة ؟
اقتباس:

الجواب :
الحمد لله
لا يصح الاستدلال بنهي النبي صلى الله عليه وسلم المرأة المحرمة أن تلبس النقاب على أن وجه المرأة ليس عورة .
وبيان ذلك : أن النبي صلى الله عليه وسلم لم يأمر المرأة المحرمة بكشف وجهها ، وإنما نهاها عن لبس النقاب ، وفرق بين الأمرين ، فإنها لا تلبس النقاب ولكن تستر وجهها بغير النقاب ، كالسدال أو الطرحة .
وهذا ، كما نهى النبي صلى الله عليه وسلم الرجل المحرم أن يلبس القميص ، فليس معناه أن يمشي عارياً ، بل يستر بدنه بغير القميص ، كالإزار والرداء .
ولهذا كانت النساء على عهد النبي صلى الله عليه وسلم يغطين وجوههن في الإحرام بغير النقاب ، إذا كُنَّ قريبات من الرجال .

فعن أسماء بنت أبي بكر رضي الله عنهما قالت : ( كنا نغطي وجوهنا من الرجال في الإحرام ) رواه الحاكم ، وقال : حديث صحيح على شرط الشيخين ، ووافقه الذهبي ، قال الألباني : " إنما هو على شرط مسلم وحده " انتهى .
"حجاب المرأة المسلمة" (ص108) .
وعن عائشة رضي الله عنها قالت : ( كَانَ الرُّكْبَانُ يَمُرُّونَ بِنَا وَنَحْنُ مَعَ رَسُولِ اللَّهِ صَلَّى اللَّهُ عَلَيْهِ وَسَلَّمَ مُحْرِمَاتٌ ، فَإِذَا حَاذَوْا بِنَا سَدَلَتْ إِحْدَانَا جِلْبَابَهَا مِنْ رَأْسِهَا عَلَى وَجْهِهَا ، فَإِذَا جَاوَزُونَا كَشَفْنَاهُ ) رواه أحمد (23501) وأبو داود (1833) ، قال الألباني : " سنده حسن من الشواهد ، ومن شواهده حديث أسماء المتقدم " انتهى .
"حجاب المرأة المسلمة" (ص107) .
ولهذا قال من قال من العلماء : إن وجه المرأة كبدن الرجل ، أي أنها تستره ولكن بغير النقاب .

قال ابن القيم رحمه الله في "بدائع الفوائد" (3/664) : " وأما المرأة المحرمة فإن النبي صلى الله عليه وسلم لم يشرع لها كشف الوجه في الإحرام ولا غيره ، وإنما جاء النص بالنهي عن النقاب خاصة ، كما جاء بالنهي عن القفازين ، وجاء النهي عن لبس القميص والسراويل ، ومعلوم أن نهيه عن لبس هذه الأشياء لم يُرِدْ أنها تكون مكشوفة لا تستر البتة ، بل قد أجمع الناس على أن المحرمة تستر بدنها بقميصها ودرعها ، وأن الرجل يستر بدنه بالرداء ، وأسافله بالإزار ، مع أن مخرج النهي عن النقاب والقفازين والقميص والسراويل واحد ، وكيف يزاد على موجب النص ويفهم منه أنه شرع لها كشف وجهها بين الملأ جهاراً ، فأي نص اقتضى هذا أو مفهوم أو عموم أو قياس أو مصلحة ! بل وجه المرأة كبدن الرجل يحرم ستره بالمُفَصَّل على قَدْرِه كالنقاب والبرقع ، بل وكيَدِها يحرم سترها بالمُفَصَّل على قَدْرِ اليد كالقفاز ، وأما سترها بالكم وستر الوجه بالملاءة والخمار والثوب فلم ينه عنه البته .
ومن قال : إن وجهها كرأس المحرم ، فليس معه بذلك نص ولا عموم ، ولا يصح قياسه على رأس المحرم ، لما جعل الله بينهما من الفرق .
وقول من قال من السلف : إحرام المرأة في وجهها ، إنما أراد به هذا المعنى ، أي : لا يلزمها اجتناب اللباس كما يلزم الرجل ، بل يلزمها اجتناب النقاب فيكون وجهها كبدن الرَّجل ، ولو قُدِّر أنه أراد وجوب كشفه فقوله ليس بحجة ، ما لم يثبت عن صاحب الشرع أنه قال ذلك وأراد به وجوب كشف الوجه ، ولا سبيل إلى واحد من الأمرين " انتهى .

وقال أيضاً في حاشيته على مختصر سنن أبي داود :
"وأما نهيه صلى الله عليه وسلم في حديث ابن عمر المرأة أن تنتقب ، وأن تلبس القفازين ، فهو دليل على أن وجه المرأة كبدن الرجل لا كرأسه ، فيحرم عليها فيه ما وضع وفُصَّل على قَدْر الوجه ، كالنقاب والبرقع ، ولا يحرم عليها سترة بالمقنعة والجلباب ونحوهما ، وهذا أصح القولين .
فإن النبي صلى الله عليه وسلم سَوَّى بين وجهها ويديها ، ومنعها من القفازين والنقاب ، ومعلوم أنه لا يحرم عليها ستر يديها ، وأنهما كبدن المحرم ، يحرم سترهما بالمُفَصِّل على قَدْرِهما ، وهما القفازان ، فهكذا الوجه ، إنما يحرم ستره بالنقاب ونحوه ، وليس عن النبي صلى الله عليه وسلم حرف واحد في وجوب كشف المرأة وجهها عند الإحرام ، إلا النهي عن النقاب ، وهو كالنهي عن القفازين ، فنسبة النقاب إلى الوجه كنسبة القفازين إلى اليد سواء وهذا واضح بحمد الله .
وقد ثبت عن أسماء أنها كانت تغطي وجهها وهي محرمة ، وقالت عائشة كانت الركبان يمرون بنا ونحن محرمات مع رسول الله صلى الله عليه وسلم فإذا حاذوا بنا سدلت إحدانا جلبابها على وجهها فإذا جاوزونا كشفنا ذكره أبو داود " انتهى .
وقال الشيخ ابن عثيمين رحمه الله : " لم يرد عن النبي صلى الله عليه وسلم نهي المرأة [المحرمة] عن تغطية وجهها ، وإنما ورد النهي عن النقاب ، والنقاب أخص من تغطية الوجه ، لكون النقاب لباس الوجه ، فكأن المرأة نهيت عن لباس الوجه ، كما نهي الرجل عن لباس الجسم " انتهى .
"الشرح الممتع" (7/165) .
وبهذا يظهر أن القول بأن المرأة المحرمة أُمرت بكشف وجهها ، غير صحيح .
وعليه ؛ فالاستدلال بذلك على أن وجه المرأة ليس عورة غير صحيح أيضاً .
والله أعلم .



الإسلام سؤال وجواب







موعدنا مع الشبهة الخامسة

إن شاء الله

___ النقاب ( والسواد ) ملفت للنظر ___

الله المستعان

نكمل إن شاء الله



الشبهة الخامسة



النقاب ( والسواد ) ملفت للنظر

نرد الاول بفتوى وبعدين نتكلم مع بعض

اقتباس:


هل الحجاب الكامل في المجتمعات الغربية يعد لباس شهرة؟
اقتباس:




السؤال : أريد من زوجتي أن تلبس الحجاب الكامل الفضفاض (هي ترتدي حجاب "الموضة" حاليا) غير أننا في فرنسا والحجاب الكامل هنا هو لباس "شهرة" ويجعل كل الناس في الشارع ينظرون إليها بحذر وريبة. فهل يجوز أن تبقى على حجاب "الموضة" ؟ (علما أننا لا نستطيع الهجرة إلى بلاد مسلمة حتى تتم دراستها في ثلاث سنوات على الأقل) .



الجواب : الحمد لله
أولا :
يلزم المرأة أن تستر جميع بدنها عن الرجال الأجانب ، ومن ذلك الوجه ، على القول الراجح ، كما سبق بيانه في جواب السؤال رقم (11774) .
ويشترط في الحجاب أن يكون ساترا فضفاضا لا يشف ولا يصف حجم الأعضاء ولا يكون زينة في نفسه .
وحجاب الموضة إن كان زينة في نفسه يلفت النظر إلى من تلبسه ، أو كان غير ساتر ، فلا تعدّ لابسته متمثلة لأمر الله تعالى بلبس الحجاب .
ثانيا :
لباس الشهرة مذموم ؛ لقوله صلى الله عليه وسلم : (مَنْ لَبِسَ ثَوْبَ شُهْرَةٍ أَلْبَسَهُ اللَّهُ يَوْمَ الْقِيَامَةِ ثَوْبًا مِثْلَهُ) زَادَ عَنْ أَبِي عَوَانَةَ : (ثُمَّ تُلَهَّبُ فِيهِ النَّارُ) رواه أبو داوود (4029) ، وحسنه الألباني في صحيح أبي داود .
وعَنْ ابْنِ عُمَرَ رضي الله عنهما قَالَ : قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : ( مَنْ لَبِسَ ثَوْبَ شُهْرَةٍ أَلْبَسَهُ اللَّهُ يَوْمَ الْقِيَامَةِ ثَوْبَ مَذَلَّةٍ ) رواه ابن ماجه (3606) وحسنه الألباني .
قال السندي رحمه الله في حاشته على سنن ابن ماجه : " قَوْله ( ثَوْب شُهْرَة ) أَيْ مَنْ لَبِسَ ثَوْبًا يَقْصِد بِهِ الِاشْتِهَار بَيْن النَّاس سَوَاء كَانَ الثَّوْب نَفِيسًا يَلْبَسهُ تَفَاخُرًا بِالدُّنْيَا وَزِينَتهَا أَوْ خَسِيسًا يَلْبَسهُ إِظْهَارًا لِلزُّهْدِ وَالرِّيَاء ".
وقال الشوكاني رحمه الله : " قوله : ( من لبس ثوب شهرة ) قال ابن الأثير : الشهرة ظهور الشيء , والمراد أن ثوبه يشتهر بين الناس لمخالفة لونه لألوان ثيابهم فيرفع الناس إليه أبصارهم ويختال عليهم والتكبر ... والحديث يدل على تحريم لبس ثوب الشهرة وليس هذا الحديث مختصا بنفيس الثياب , بل قد يحصل ذلك لمن يلبس ثوبا يخالف ملبوس الناس من الفقراء , ليراه الناس فيتعجبوا من لبسه ويعتقدوه [يعني : يعتقدون فيه أنه من أولياء الله الزهاد في الدنيا] , قاله ابن رسلان . وإذا كان اللبس لقصد الاشتهار في الناس فلا فرق بين رفيع الثياب ووضيعها والموافق لملبوس الناس والمخالف ؛ لأن التحريم يدور مع الاشتهار , والمعتبر القصد وإن لم يطابق الواقع " انتهى من "نيل الأوطار" (2/ 131).
ومن فعل ما أوجب الله عليه كان مطيعا مثابا ، ولا يضره أن يشتهر بين الناس حينئذ ، وهذا ما يحدث غالبا في أزمنة الغربة ، وفي بلاد الكفار ، فلو أن قوما اجتمعوا على حلق اللحية وصار هذا غالبا عليهم ، لم يجز القول بمنع إعفاء اللحية لئلا تكون شهرة ، ولو غلب على قوم تعري النساء ، لم يجز القول بمنع اللباس الساتر لعلة الشهرة ، ولاشك أن حجاب المسلمة - ولو كان حجاب الموضة - يعد في بعض البلدان أمرا شاذا غريبا ، لغلبة العري والتفسخ .
وإلى أزمنة قريبة كان لبس النقاب مستغربا في بعض البلدان ، وكانت من تلبسه يشار إليها بالبنان ، وربما لوحقت ببعض الأذى ، ثم شاع وانتشر . ولا ريب أن من فعلت ذلك أول الأمر تستحق الثناء والمدح ؛ لصبرها وثباتها وسنّها للسنة للحسنة ، ولا يصح أن يقال إنها لابسة ثوب شهرة .
والحاصل : أن لباس الشهرة الممنوع ، إنما يتحقق مع قصد الشهرة ، أو مع لبس النادر الغريب مع وجود ما يغني عنه من اللباس ، فإذا لم يوجد ما يغني عنه ، وكان الستر واجبا ، فلا مناص من فعله وإن أدى لشهرة صاحبه كما ذكرنا في الأمثلة السابقة .
ولهذا من كانت في مجتمع لا يعرف العباءة الكاملة التي تستر الرأس إلى القدمين ، فإنها تستغني عن ذلك بلبس الخمار على الثوب ؛ لأن الواجب هو الستر ، وقد تحقق ، فيستغنى به عما يكون شهرة .
وكون المحجبة ينظر إليها بحذر وريبة في بعض المجتمعات ، لا ينبغي أن يثنيها عن حجابها ، ولا عن تمسكها بدينها ، ولتعلم أن في ثباتها على الحجاب نشرا له ، وترغيبا فيه ، ويوشك أن يقتدي بها غيرها ، فيزول الاستغراب والحذر .
فنصيحتنا للزوجة الكريمة أن تدع حجاب الموضة ، وأن تلبس حجابا ساترا يغطي رأسها إلى نصف البدن على الأقل ، ثم تستر سائر بدنها بالثياب التي جرت العادة بلبسها ، مما لا زينة فيه ولا فتنة ، وهو حجاب شائع في المجتمعات الأوربية وغيرها .
وينظر للفائدة جواب السؤال رقم (113425) .
والله أعلم .


الإسلام سؤال وجواب






هو لو بعد كاااام سنة كده إن شاء الله

وروحتي تصلي في المسجد

الناس قالتلك ان المسجد ده (على سبيل المثال فقط ) مكان مشبوه

هتروحي ولا لأ ؟

ده بيت ربنا يا بنتي بتتكلمي ازاي ؟

طيب ما هو ده شرع ربنا بتتكلموا ازاي برده ؟



ايه اللي بتقوليه ده ؟؟!!!!!


بلاااااش عندكوا في العائلة مثلا مش بيورثوا البنات ووالدك مات وانتي مش معاكِ فلوس غير حاجة بسيطة اوووووي
هتطلبي حقك ولا لأ ؟


ايه اللي انتي بتقوليه ده برده مش فاهمين حاجة !!!!!
ده حق ربنا يا بنتي بتتكلمي ازاي ؟

طيب ما هو ده شرع ربنا بتتكلموا ازاي برده ؟


في المثال الاول

مش هما قالوا ان النقاب ده شبهة واللي بيلبسوا بيلبسوا علشان يستخبى تحته ( في ناس بتقول كده اه )

طيب فرضنا ان واحد بنى مسجد تحت بيته هو باين للناس انه مسجد لكن هو خلاه مكان مشبوه يبقى كده كل المساجد مشبوهة !!!!!

وفي المثال التاني

سلو بلدكوا ان البنات فيها متبرجات وانتي مش معاكِ حسنات غير قليل او متعرفيش اد ايه يبقى هتطالبي انك تلبسي النقاب او الحجاب عموما علشان يقيكِ حر النار ولا لأ ؟

طب ليه هنا بنقول في حالة الفلوس حقك والنقاب مش حقك ؟


هولو بكرة الصبح الناس كلها طلعت في الشارع تشرب خمرة اشرب معاهم ؟

ولو حد عزم عليا اقوله لا حرام يضحك عليا ويقول الحقوا الحقوا دي مش بتشرب خمرة

هل ده يديني الحق اني اشرب خمرة ؟

طيب ما الخمرة حرااااااااااااااااااااااام

طيب ما النقاب شرع الله

ولنفرض ان حد هياخد بالرأي انه سنة

ماشي على عينا وعلى رأسنا

والناس اللي بتقول انه مش من الدين

لكنه ان لم يكن مذكور في القرآن فهو مذكور في روايات صحيحة

اما اذا كانوا غير مقتنعين دي حاجة تانية

فهل معنى ان معظم النساءإلا من رحم ربي غير متحجبات حجاب كامل
ده يعطيني الحق اني اعمل زيهم علشان ما اشذش عن القاعدة ؟

طيب لو بكرة خلوا القاعدة ترك الصلاة هنعمل ايه بقى ؟؟



موعدنا اخواتي مع الشبهة السادسة

___ يا بنتي دول المنتقبات دول اسوء ناس وبيستغلوا النقاب في اغراض تانية ___

وياريت يا اخواتي لو حد عنده شبهة يطرحها قبل نهاية الدرس إن شاء الله لان خلاص الشبهات اللي عندي قربت تخلص

السلام عليكم ورحمة الله وبركاته

الشبهه السادسه
((يا عم انتوا بتقولوا ايه بس ده المنقبات دول ( والملتحين بالمرة ) اسوء ناس اصلا))



ومعاملاتهم اسوء معاملة !!!



طب انا عندي سؤال هو حضرتك اتعاملت مع كام واحدة منتقبة وكام واحد ملتحي ؟



- لا يعني محبش اتعامل معاهم اصلا .



يعني حضرتك ما اتعملتش معاهم اصلا او لو اتعاملت مع واحد اتنين تــلاتة حتى وتقول انهم اسوء ناس ؟ ده على اي اساس ؟



طيب حيث كده بقى انا اقدر اقول ان المصريين دول كلهم ....



بلاش علشان منغلطش في حد



بس هي دي الحقيقة انا لو همشي بمنطلق واحد عمل موقف وحش يبقى كل اللي زيه مش كويسين يبقى خلاص بقى بكل بساطة الناس كلها وحشة



لان ببساطة برده الناس كلها مش ملائكة



امال عاملين فيها ملتزمين ليه بقى والنقاب اد كده واللحية اد كده



يا سَيدي الفاضل البشر كلللهم مفيش حد فيهم ملاك


ان كان المنتقبة او الملتحي بيحاولوا يقربوا لربنا بأي عبادة ومن ضمنها النقاب او اللحية .. فده في حد ذاته شيء كويس



هو النقاب او اللحية دول حاجة سهلة يا جماعة؟



تفتكروا المنتقبة دي مثلا مش بيبقى نفسها انها تروح تتغدى في اي مطعم ( وان كان في منتقبات بتروح عادي بس بنقول مثلا )


مش بتبقى حرانة جدااا في الصيف ؟


مش تضحية يا جماعة ولا ايه ؟



الملتحي ايام النظام البائد مش كان ممكن يتاخد من الشارع في اي وقت بتهمة انه ملتحي ؟!!!



هي دي مش تضحية؟


نقوم احنا بقى سايبين ده كله ونيجي نمسك في اصله يا سيدي كان معايا في الشغل وزعق فيا او كان مكشر



طب ما طبيعي .. لانه بشر بيفرح ويحزن



لا هو ملاك ولا هو آلة علشان تفضل شايفه مبتسم 25 ساعة في الـ 24 ساعة


ولا ايه ؟



وبعدين برده يا جماعة الناس اللي بتبني رأيها على ( بيقولوا )



أصلهم بيقولوا ان الملتزمين دول معاملاتهم وحشة



يا سيدي جرب تتعامل معاهم وبعدين احكم ولو حصل وواحد ضايقك اكيد مش كللللهم وحشين



وبعدين نيجي لحتة بيقولوا



هما مين دول يا جماعة اللي بيقولوا


مش نسأل نفسنا ليه في ناس عايزة تكرهنا في الملتزمين ؟


ليه عايزين يبينوا ان الملتزمين دول ارهابيين ؟



ما طبيعي جدااا انهم يقولوا كده علشان ما تقربش منهم و(متتعديش منهم ) ربنا يهدينا جميعاً .. وتسيب بقى مسلسلاتهم وافلامهم والبنات تلبس حجاب والشباب يروح الجامع وتبقى هيصة بقى



حاجة اخيرررررة بس عايزة اقولها قبل ما نقفل الشبهة دي



يا جماعة مينفعش نقول كل ملتحي نصاب او كل ملتحي مش عارفة ايه



ما ننساش يا جماعة ان الرسول ( صلى الله عليه وسلم ) كان ملتحي


اخشى ان حد فينا يقول الجملة دي او يسئ الظن بكل الملتحين فتكون عملت عمل عظيم يُغضب الله


فلنحسن الظن يا جماعة بالناس ونبطل أسلوب التعميم



طب بس استني رايحة فين انا عندي كمان شبهة



خيييييير ؟



(( في ناس بتستخدم النقاب ده في اعمال وحشة فاحنا كده بنشبه نفسنا !!!))



طيب دي هتكون شبهتنا الجاية إن شاء الله



واللي بعدها هتكون ...



(( دي المنتقبة دي ارهابية ومتشددة ))



إن شاء الله



وبكده هتكون الشبهات اللي عندنا انتهت إن شاء الله


لو حد في شبهة بتقابله ياريت يقولنا عليها