المنشورات
بسم الله الرحمن الرحيم
موضوعنا اليوم عن الروابط...ايه الرابط دا اكيد كلكم بيتسأل؟؟؟
ياجماعه الرابط هو اي حاجه تحصل بالحياه مع شعور واحاسيس مرتفعه والاتنين
بيرتبطوا بالجهد العصبي
وبيكون عبارة عن اغنيه او صورة أو كلمة أو رائحة أو طعم أو إحساس ويتم الرابط عصبيا بينهم
يعني بمعنى لو سمعتوا نفس اغنية اللي سمعتوها في موقف حصل ليكم زمان في اي وقت تاني هتنفجر نفس الاحاسيس مره تنيه وهتفتكروا بنفس الموقف.. فالأغنية دي تعتبر رابط ذهنى ونفس الكلام بنسبه لريحة عطر معين بتفكرك بشخص معين..العطر ده برضه رابط ذهنى
ولو هتلاحظوا أحنا بنستخدم الروابط الذهنية من غير مانشعر مش كدا
طيب لو سالتكم أزاى ممكن اننانتحكم فى الروابط الذهنية؟؟؟
لو هنيجي نشوف هنلاقي ان الرابط بيرتبط ياما بالسعاده اوبالالم
بمعنى أنتوا ممكن تربطو حاجة كويسة بالألم أو حاجة وحشة بالسعادة
ازاي؟؟
هقلكوا
ممكن حد يربط شرب السجاير بالسعاده المخ هيوديه لدا الاتجاه
بمعنى السجاره دي حاجه وحشه وربطها بالسعاده اللي هي راحته
وممكن واحد يربط الرياضه بالالم في انها تتعبه
يعني الرياضه دي حاجه ايجابيه وكويسه ربطها بالالم
فهمتوا لحد كدا
طيب علشان ينجح الرابط له اسرار ومفاتيح علشان نلاقيه
هنبتدي بمفاتيح نجاح الرابط
علشان نبني اي رابط مؤثر نقدر نستعمله للوصول لااي حالة نفسيه احنا عيزنها هنحتاج لااربعه اسس
1-القوه(الاحاسيس)لازم تختار التجربة اللي بتكون فيها الحالة الشعورية قوية.
2-التوقيت ـــ دا الرابط ..لازم نختاره لما توصل المشاعر إلى أقصى وأعلى قوتها
3-التميز لازم يكون هذا الرابط فريدا ومميز.
4-التكرارلابد يكون الرابط سهل الاستعمال بحيث يكون بمقدور الشخص انه يعيده بنفس الصورة
من اسراره...
[size=18]اولا لازم تكون الاحاسيس في تصاعد مستمر
تانيا لما تصل الاحاسيس الى الشده القصوى نلمس الرابط
تالتا نحتفظ فيه لمدة 5 تواني وبعدين نسيبه
علشان لو طالت المده هتفقدوا قوته ويضيع مفعوله
طيب هتقولوا بنستفيد ايه من دا كله...شوفوا ياجماعه..الرابط دا بيخليكم توصلوا لااي حاله انتوا عاوزينها متلا
عاوزين تزودوا ثقتكم لما تتكلموا قدام الجمهور او عاوزين تكون في حالة استرخاء من غير مشاكل وممكن برضه يعينكم في كل مجالات الحياه فهمتوا
طيب اخيرا وليس اخرا ايجاد الرابط حاجه سهله جدا يجماعه تعالوا نعملها سوا
اولا فكروا في الحاله
اختاروا الحالة الي عاوزين أنكم تكونوا عليها متلا الثقة بالنفس أو القوة أو الراحة
تانيا فكروا في الرابط
اختاروا اي شي علشان تربطوا بيه متلا عمل أى علامة بأيدكم او امسكوا صباع معين او اي علامه اتفقنا
تالتا ارجعوا بالذاكره للماضي وفكروا بتجربه مريتوا بيها بنفس الشعور
رابعا عيشوا في التجربه مرة تنيه بكل حواسكم اكنها بتحصل دلوقتي
خامسا اتعمقوا فيهابكل مشاعركم واحاسيسكم واتنفسوا بنفس الطريقه لحد ماتبقى بغاية القوة
سادسا لما الاحاسيس تشتعل المسوا الرابط لمدة 5 تواني بس وسيبوه
سابعا اكسروا الحاله بمعنى اخرجوا من الحالة وبصوا حوليكم وغيروا وضعية جلوسكم
ودلوقتي عاوزنكم تختبروا الرابط المسوا الرابط الآن ولاحظوابيحصل ايه؟؟
هل بتشعروا بنفس الأحاسيس ادا الاجابه اه
اذا نجحتوا في إيجاد الرابط ..وادا لا ارجعوا مره تنيه للخطوة اربعه وبدي المره اتعمقوا اكتر في الشعور
اتفقنا
طيب قفزه للمستقبل تخيلوا نفسكم في المستقبل وكأنكم بموقف محتاجين يكون عندكم شعور محدد
المسوا الرابط علشان تنتقلوا للحاله
نكتفي بدا لليوم وبكره بادن الله هنتعلم ازاي نصعد قوة الرابط وازاي نحطم الروابط السلبيه
ولحد بكره استودعكم الله الذي لاتضيع ودائعه
اختكم................